பொலிகண்டி பாரதி வி.கழக உதைபந்து - அரை இறுதிக்கு தகுதி பெற்றது யங்கம்பன்ஸ் அணி

பருத்திதுறை உதைப்பந்தாட்ட லீக்கின் அனுமதியுடன் பொலிகண்டி பாரதி விளையாட்டு கழகம் நடாத்தும் யாழ் மாவட்ட ரீதியிலான 07நபர் கொண்ட உதைப்பந்தாட்ட தொடரின் சூப்பர்08 போட்டிகள் மின்னொளியில் தற்பொழுது இடம்பெற்றுவருகின்றது. நேற்று இடம்பெற்ற மின்னொளியிலான சூப்பர்-08 போட்டியின் காலிறுதியாட்டத்தில் அல்வாய் மனோகரா விளையாட்டுக்கழகத்தை எதிர்த்து கம்பர்மலை யங்கம்பன்ஸ் விளையாட்டுக்ககழக்கம் மோதியது. 

ஆட்டத்தின் முதல் பாதியாட்டம் தொடங்கிய 01வது நிமிடத்தில் யங்கம்பன்ஸ் அணி கோல் பெற அசத்த அடுத்த 02வது நிமிடத்தில் மனோகரா அணி வீரர் கோல் போட்டு ஆட்டத்தை சமப்படுத்தினார். 15வது நிமிடத்தில் யங்கம்பன்ஸ் அணி மற்றுமொரு கோலினை பெற முதல் பாதியாட்டத்தில் 02:01என்ற அடிப்படையில் யங்கம்பன்ஸ் முன்னிலை வகித்தது.

 

இரண்டாவது பாதியாட்டத்தில் 33வது, 42வது நிமிடங்களில் யங்கம்பன்ஸ் அணி இரண்டு கோலை பதிவு செய்தார்கள். மனோகரா அணி வீரர் 45வது நிமிடத்தில் ஒரு கோல் பெற்றார். தொடர்ந்து யங்கம்பன்ஸ் அணி வீரர் 48வது நிமிடத்தில் கோல் ஒன்றினை பெற இறுதி ஆட்ட நேர முடிவில் மனோகரா அணியை 05:02 என்ற ரீதியில் வீழ்த்தி அரை இறுதிக்கு தகுதி பெற்றது யங்கம்பன்ஸ் அணி.

 

யங்கம்பன்ஸ் அணி சார்பாக கோல் போட்ட வீரர்கள் விபரம்

பிரகாஷ் :-03

நிறோஜன்:-02

ஆட்ட நாயகன் யங்கம்பன்ஸ் அணி வீரர் பிரகாஷ் தெரிவு செய்யப்பட்டார்