'வடக்கின் நுழைவாயில் - 8 ஆவது சர்வதேச வர்த்தகக் கண்காட்சி இன்று ஆரம்பம்
பிரசுரிக்கபட்ட திகதி: 27/01/2017 (வெள்ளிக்கிழமை)
'வடக்கின் நுழைவாயில்'' (Gateway to the North) எனும் தொனிப்பொருளில் சர்வதேச வர்த்தகக் கண்காட்சி (Jaffna International Trade Fair - JITF) 2017இன்று 27ம் திகதி யாழ்ப்பாணம் மாநகரசபை மைதானத்தில் (Jaffna Municipal Council Grounds) ஆரம்பமாகின்றது. 8வது முறையாக நடைபெறவுள்ள இந்த கண்ணாட்சி இன்று தொடக்கம் 29ம் திகதி வரை நடைபெறவுள்ளது.
இலங்கை கண்காட்சி மற்றும் மகாநாட்டு சேவைகள் நிறுவனம், யாழ் கைத்தொழில் வர்த்தக பேரவையுடன் இணைந்து இதற்கான ஒழுங்குகளை மேற்கொண்டுவருகின்றது.
கடந்த வருடத்தில் நடத்தப்பட்ட கண்காட்சியில் 200 கூடங்கள் அமைக்கப்பட்டிருந்தன. இம்முறை 300க்கும் மேற்கட்ட கண்காட்சி கூடங்கள் (Booth-holders) இடம்பெறவிருகின்றன. இந்த 300 கண்காட்சிக் கூடங்களில் உள்ளூர் மற்றும் வெளியூர் உற்பத்தியாளர்களின், 1000 ற்கு மேற்பட்ட உற்பத்திப் பொருட்கள் காட்சிப்படுத்தப்படவுள்ளன.
இந்த கண்காட்சியில் நாட்டின் பல பாகங்களிலும் இருந்து 60,000 ற்கும் மேற்பட்டவர்கள் கலந்து கொள்வார்கள் எனத் தெரிவிக்கப்படுகின்றது.
கண்காட்சி தொடர்பில் யாழ்குடாநாட்டின் அனைத்து பிரதேசத்திலும் சுவரொட்டிகள் ஒட்டப்பட்டுள்ளன.
இந்த கண்காட்சி மற்றும் வர்த்தக சந்தையில் சிங்கப்பூர் இந்தியா மலேசியா சீனா உள்ளிட்ட நாடுகளைச் சேர்ந்த பெரும் எண்ணிக்கையிலான நிறுவனங்கள் மற்றும் உறுப்பினர்கள் கலந்துகொள்ளவுள்ளனர் எனத் தெரிவிக்கப்படுகின்றது.
கட்டட தொழிற்துறை மருத்துவ தொழிற்துறை உணவு குளிர்பானங்கள் பொதியிடல் தொழில் துறை வாகன தொழில் துறை தகவல் தொழில்நுட்ப துறை நிதிசேவைகள் ஆடைத்தொழிற்துறை மற்றும் விவசாயம் பாவனையாளர்களுக்கான பொருட்கள் உள்ளிட்டவை இந்த 3 நாள் கண்காட்சியில் இடம்பெறவுள்ளமை குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
