இன்று திருக்கார்த்திகை - திருக்கார்த்திகை விவரணம் - வ.ஆ.அதிரூபசிங்கம்

கார்த்திகைத் திருநாளாம் "விளக்கீடு"

கார்த்திகை மாதக் கார்த்திகை அமைந்த பெளர்ணமியாம்

நற்றினம் இதனில் ஒளி வீசிடுமே கார்த்திகை திருநாளாம் விளக்கீடு

விளக்கின் மகிமையை - தீபத்தின் பெருமையை இந்துக்கள்

விளங்கிடும் தன்மையில் விளக்கீடு என்றாகியது இத்திருநாள்

தேவாதி தேவனாம் இறையவன் பேரருள் பெற்றுய்ந்திட

ஈசன் முன் நெய்த்தீபம் ஏற்றினர் - ஏத்தினர் தேவர்கள் யாவரும்

ஏற்றி வைத்த தீபமும் ஒளி குன்றியதே ஒரு பொழுதில்

சுடரும் மங்கியதே இருளும் சூழ்ந்ததே இறைவன் முன்

அப்பொழுதனில் தீபக்காலில் தேங்கிநின்ற நெய்யுண்ணவே

ஆங்கு வந்ததே எலி ஒன்று முன் செய் நல்வினையால்

அதனிடத்தே அமைந்த அறியாமையினால் எரியினை தூண்டியது

தீபச்சுடரும் ஓங்கியது ஒளி பரந்து வீசியதே இறைவன் முன்

அக்கணமே இறையருள் பாய்ந்ததே அவ் எலியிடத்து

இறையருளால் அவ்வெலியும் உருமாறியதே ஒரு சக்கரவர்த்தியாய்

மகாவெலி எனும் பெயர் படைத்தான் சக்கரவர்த்தி இவன்

அகம்பாவம் தலைக்கேறி அவனும் ஆலயத்தில் வலம் வந்தான் செருக்குற்று

ஆலயத்தில் அவன் வழிபாடு இயற்றிவர அங்கிருந்த ஒரு

திருவிளக்கின் தீப்பொறியொன்று வீழ்ந்தது அவன் மேல்

அகம்பாவம் கீழ் நோக்க அரற்றினான் -அலறினான் துடித்தான்

தேகத்தின் புண்கண்டு வேதனையும் மிகக்கொண்டான்

அசாரீரியாய் ஒலித்ததே அப்பொழுதில் இறைவன் குரல்

"செருக்குற்ற உன் நிலையால் விளைந்ததே ஈரெல்லாம்

வினைகள் தீத்திட வேதனைகள் தீய்ந்திட நல்வினையும் புரிந்திருவாய்

ஆலயங்களிலும் இருள் சூழ்ந்த இடங்களிலும் ஒளிபரவத்

திருவிளக்குகள் ஏற்றிடுவாய் இருள் அகலச் செய்திடுவாய்

இவ்வாறு செய்துவரின் தேகநிலை மாறிவிடும் வேதனையும் தீந்துவிடும்"

என்றவாறு இறைவன் குரல் ஓய்ந்திடவே திகைத்தான் அவன்

இறைவன் குரலுக்காய் பணிந்தான்- பணிப்பினை ஏற்று நின்றான்

ஆலயங்களிலும் இருள் சூழ்ந்த இடங்களிலும் தீபங்கள் ஏற்றிவர

கார்த்திகை மாதக் கார்த்திகையாம் பூரணை நற்றினத்தில்

தேசோமயமாய் உ ருக்கொண்டு தேற்றிடனே ஈசன் உக்கிரமாய்

அகர உருகண்டு அஞ்சினான் தேவர்கள் திகைத்தனர்

இறைவனின் உக்கிரம் தணிந்திட அவல் பொரி மற்றும்

சுவைமிகு பட்சணங்கள் படைத்து நின்றனர் ஈசன் முன்

பக்தி மிகக் கொண்டு பணிந்து நின்றனர் இரங்கினான் இறைவன்

இவர்களுக்காய் யாவருக்கும் அருள் மழை பொழிந்தான்

யாவரும் மகிழ்ந்தனர் இறைவன் கருணை கண்டு களிப்பு மிகக்கொண்டனர்

இவர்தம் வேதனையாம் இருள் அகல மகிழ்ச்சி ஒலி போற்றியதே

பார்க்கும் இடம் எல்லாம் பேரொளியாய் பரவியது

இத்தினமே திருக்கார்த்திகைத் திருநாளாம் விளக்கீடு

புராணங்கள் பேசிடுமே விளக்கீட்டின் பலன் யாவும்

பணிந்திடுவோம் - நாமும் எலாம் விளக்கீட்டின் பலன் பெற்றிட

ஏற்றிடுவோம் தீபங்கள் இருள் மங்கிட  ஒளி பொங்கிட

"இறையருள் தேக்கிடுவோம் அக இருள் போக்கிடுவோம்"

மகாவெலியை மனதிற் கொண்டு நாமும் இறையருள் பெற்றிட

வீடுகளில் தீபமேற்றி -வீட்டு வாசலிலே பெருந்தீபம் அமைத்து

அதனை சுற்றி வலம் வந்து பெரியோரும் சிறியோருமாய் பக்தி சிரத்தையுடன்

"மகாவெலி கண்பார் - எங்கும் கண்பார் - எங்களையும் கண்பார்"

எனபக்தியுடன் கைதட்டி பாடிமகிழ்ந்திடுவோம்.

சொர்கப்பனைப் பேரொளி

கோயில்களிலே வீதி வலத்திற்காக இறைவன் எழுந்தருளி வருகையில் ஆலய முகப்பிலே பெருவடிவிலே செயற்கை விருட்சம் ஒன்று அமைத்து சொர்கப்பனையான இவ்வமைப்பை பக்தி சிரத்தையுடன் பக்தர்கள் சூழ நின்று எரியூட்டிப் பேரொளி வீசச்செய்தல் விளக்கீட்டின் ஆலய நிகழ்வுகளின் உற்சமானது இப்பெரோளியாம் சோதிவடிவிலே யாவரும் இறைவனைக்கண்டு - வணங்கிடுவோம் பணிந்திடுவோம். 

வ.ஆ.அதிரூபசிங்கம்