தும்புருவளை கிரிக்கெட் - இறுதிப்போட்டிக்கான வாய்ப்பை இழந்தது நெடியகாடு
பிரசுரிக்கபட்ட திகதி: 05/04/2017 (புதன்கிழமை)
தும்புருவளை விளையாட்டு கழகம் நடாத்திய அணிக்கு 7 நபர் 6 பந்து பரிமாற்றங்கள் கொண்ட மென்பந்தாட்ட சுற்றுதொடரில் சிறப்பாக விளையாடி அரையிறுதிவரை முன்னேறிய வல்வெட்டித்துறை நெடியகாடு இளைஞர் விளையாட்டுக் கழகம் முதலாவது அரையிறுதி ஆட்டத்தில் வீனஸ் விளையாட்டுக்கழகத்தை எதிர்த்து ஆடி 2 இலக்குகளால் தோல்வியுற்று இறுதிப்போட்டிக்கான வாய்ப்பை இழந்தது.
கடந்த 01/04/2017 அன்று நடைபெற்ற இப்போட்டியில் நாணய சுழற்சியில் வெற்றிபெற்ற வீனஸ் விளையாட்டுக் கழகம் நெடியகாடு விளையாட்டுக் கழகத்தை முதலில் துடுப்பெடுத்தாட பணித்தது. இதற்கமைய முதலில் ஆடிய நெடியகாடு இளைஞர் விளையாட்டுக் கழகம் 6 பந்துபரிமாற்றங்கள் நிறைவில் 5 இலக்குகளை இழந்தது 45 ஓட்டங்களை பெற்றது.
நெடியகாடு அணி சார்பில் துடுப்பாட்டத்தில் அணித்தலைவர் ஸ்ரீகரன் 20 ஓட்டங்களையும் கிருபா 13 ஓட்டங்களையும் பெற்றுகொடுத்தனர்.
பதிலுக்கு 46 என்ற வெற்றிஇலக்குடன் ஆடிய வீனஸ் விளையாட்டுக் கழகம் 5 பந்துபரிமாற்றங்கள் நிறைவில் 4 இலக்குகளை இழந்தது வெற்றி இலக்கை அடைந்தது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
