பலாலி விண்மீன் வி.கழக லீக் சுற்றுப் போட்டி - உடுப்பிட்டி நவஜீவன், திக்கம் இளைஞர் வெற்றி
பிரசுரிக்கபட்ட திகதி: 07/08/2014 (வியாழக்கிழமை)
பலாலி விண்மீன் விளையாட்டுக்கழகம் யாழ் மாவட்ட ரீதியாக நடாத்தும் 7 நபர் கொண்ட உதைப்பந்தாட்ட சுற்றுப்போட்டியின் லீக் ஆட்டங்கள் தற்பொழுது நடைபெற்றுவருகின்றன.
தும்பளை கருணையுள்ளம் விண்மீன் நற்பணி மன்றத்தின் அனுசரணையுடன் பலாலி விண்மீன் விளையாட்டுக்கழகத்தினால் வல்வை றெயின்போ விளையாட்டுக்கழக மைதானத்தில் இச்சுற்றுப்போட்டி நடைபெற்று வருகின்றன.
லீக் ஆட்டங்களின் வரிசையில் நேற்று நடைபெற்ற முதலாவது ஆட்டத்தில் உடுப்பிட்டி நவஜீவன் விளையாட்டுக்கழகத்தை எதிர்த்து உபயகதிர்காமம் கரவைச்சுடர் விளையாட்டுக்கழகம் மோதியது. இந்த ஆட்டத்தில் உடுப்பிட்டி நவஜீவன் விளையாட்டுக்கழகம் 5 : 2 என்ற கோல்கணக்கில் வெற்றிபெற்றது.
இரண்டாவதாக நடைபெற்ற ஆட்டத்தில் மயிலங்காடு ஞானமுருகன் விளையாட்டுக்கழகத்தை எதிர்த்து திக்கம் இளைஞர் விளையாட்டுக்கழகம் மோதியது. இந்த ஆட்டத்தில் திக்கம் இளைஞர் விளையாட்டுக்கழகம் 3 :1 என்ற கோல்கணக்கில் வெற்றிபெற்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
