வல்வை மகளிர் மகா வித்தியாலயத்தின் வருடாந்த இல்ல மெய்வல்லுனர் போட்டி - 2013
Posted Date: 05/02/2013
வல்வை மகளிர் மகா வித்தியாலயத்தின் வருடாந்த இல்ல மெய்வல்லுனர் போட்டி சனிக்கிழமை 02.02.2013 அன்று மதியம் நெடியகாட்டில் அமைந்துள்ள சிறுவர் பூங்கா முன்றலில் வெகு சிறப்பாக நடைபெற்றது.
இந்த இல்ல மெய்வன்மைப்போட்டி பாடசாலையின் அதிபர் செல்வி இராஜலஷ்மி சுப்பிரமணியக்குருக்கள் அவர்கள் தலைமையில் நடைபெற்றது. இந் நிகழ்வுக்குப் பிரதம விருந்தினராக வடமராட்சி பிரதிக் கல்விப் பணிப்பாளர் திருமதி ரஞ்சிதம் குட்டித்தம்பி அவர்கள் கலந்து கொண்டு சிறப்பித்தார்.
இவ் விளையாட்டுப்போட்டியில் அணிநடை, ஓட்டம், தடைஓட்டம், சிறுவர்கள் விளையாட்டு, அஞ்சலோட்டம் போன்ற பல போட்டிகள் மிகவும் சிறப்பாக நடை பெற்றன. குறிப்பிடக்கூடிய அம்சமாக இல்ல விளையாட்டு போட்டியில் உடற்பயிற்சியில் சாவித்திரி இல்லம் என்று அழைக்கப்படும் மஞ்சள் இல்லமும் , அருந்ததி என்று அழைக்கப்படும் சிவப்பு இல்லமும் , நளாயினி இல்லம் என்று அழைக்கப்படும் பச்சை இல்லமும் போட்டியில் தனித்தனியாக தமது உடற்பயிற்சி திறமையினை வெளிக்காட்டினார்கள் . இதைவிட பாலகர்களின் உடற்பயிற்சி கண்காட்சியும் இடம்பெற்றது.
ஏராளமான பார்வையாளர்களும் இவ் விளையாட்டுப்போட்டியை கண்டுகளித்தனர் .
