தொண்டைமானாறு வீரகத்திப்பிள்ளை மகா வித்தியாலயத்தின் வருடாந்த இல்ல மெய்வன்மைப் போட்டி - 2013
Posted Date: 23/02/2013
தொண்டைமானாறு வீரகத்திப்பிள்ளை மகா வித்தியாலயத்தின் வருடாந்த இல்ல மெய்வன்மைப் போட்டி ஞாயிற்றுக்கிழமை (17.02.2013) அன்று பி.ப 1.30 மணிக்கு பாடசாலை மைதானத்தில், பாடசாலை அதிபர் திரு இரா ஸ்ரீ நடராசா அவர்கள் தலைமையில் நடைபெற்றது.
இந்த நிகழ்வின் பிரதம விருந்தினராக திரு .அமிர்தலிங்கம் இராசகுமாரன் (தலைவர் , ஆங்கில மொழி கற்பிற்கும் நிலையம் , யாழ் பல்கலைக்கழகம் "Head .Department of English , university of Jaffna ") அவர்கள் கலந்து சிறப்பித்தார்.
இவ் விளையாட்டுப்போட்டியில் ஆண் பெண்களுக்கான அணிநடை, ஓட்டம், தடைஓட்டம், சிறுவர்கள் விளையாட்டு, அஞ்சலோட்டம் போன்ற பல போட்டிகள் மிகவும் சிறப்பாக நடைபெற்றன. மாணவ , மாணவிகளின் இசையும்,அசைவும் சிறப்பாக நடைபெற்றது. அத்துடன் பழைய மாணவர்களின் விளையாட்டும் நடைபெற்றது.
மைதானத்தை சுற்றி ஏராளமான பார்வையாளர்களும் இவ் விளையாட்டுப்போட்டியை கண்டுகளித்தனர் .
