திருமதி சரசரத்தினம் புலேந்திரலிங்கம் (SLTSI, Trd.Maths ) அவர்களுக்கு திங்கட்கிழமை ( 01.04.2013) அன்று சேவை நலன் பாராட்டு விழா நடைபெற்றது
Posted Date: 02/04/2013
வல்வை சிவகுரு வித்தியாசாலையில் 20 வருடங்களாக, மாணவர்களின் வளர்ச்சிக்கு அரும்பணியாற்றி 02.04.2013 அன்று சேவையிலிருந்து ஓய்வு பெறும் கணிதபாட ஆசிரியரும், பகுதித்தலைவருமாகிய (இடைநிலை ) திருமதி சரசரத்தினம் புலேந்திரலிங்கம் (SLTSI, Trd.Maths) அவர்களின் சேவையைப் பாராட்டி திங்கட்கிழமை ( 01.04.2013) அன்று மதியம் 12.30 மணிக்கு பாராட்டு விழா மிகச்சிறப்பாக நடைபெற்றது.
இந்நிகழ்வில் திருமதி சரசரத்தினம் புலேந்திரலிங்கம் ஆசிரியருக்கு, ஆசிரியர்கள், மாணவர்கள் மலர் மாலை அணிவித்தும், நினைவுப் பரிசில்களும் வழங்கியும் அவரைக் கௌரவித்தனர். பாராட்டு விழா முடிவில் ஆசிரியர் அவர்களுக்கு மதியபோசன விருந்தும் அளிக்கப்பட்டது.
