தொண்டைமானாறு வீரகத்திப்பிள்ளை மகா வித்தியாலயத்தின் வருடாந்த இல்ல மெய்வன்மைப்போட்டி கடந்த சனிக்கிழமை அன்று பாடசாலையின் அதிபர் இரா.ஸ்ரீநடராசா அவர்கள் தலைமையில் நடைபெற்றது.
இந்நிகழ்விற்கு பிரதம விருந்தினராக திரு M.K. சிவாஜிலிங்கம் (வட மாகாண சபை உறுப்பினர்) அவர்கள் கலந்து கொண்டு சிறப்பித்திருந்தார்.
பி.ப 1.30 மணிக்கு பாடசாலை மைதானத்தில் ஆரம்பமாகிய நிகழ்வில் பாடசாலை அதிபர் மற்றும் விருந்தினர்கள் பாண்ட் வாத்தியத்துடன் மைதானத்திற்கு அழைத்துவரப்பட்டனர். மங்கள விளக்கேற்றல், கொடியேற்றல், தமிழ்த்தாய் வாழ்த்து மற்றும் பாடசாலைக் கீதத்துடன் போட்டிகள் ஆரம்பமாகியது.
இவ் விளையாட்டுப்போட்டியில் இல்லங்களின் ஆண்கள், பெண்களுக்கான அணிநடை, மைதான நிகழ்வான குண்டெறிதல், தட்டெறிதல் என்பனவும், சுவட்டு நிகழ்வுகளான ஓட்டம், தடைஓட்டம், இல்ல அஞ்சலோட்டம், சிறுவர்கள் விளையாட்டுகளான நின்று நீளம் பாய்தல் மற்றும் இல்லங்களுக்கிடையிலான கயிறு இழுத்தல் போட்டிகள் மிகவும் சிறப்பாக நடைபெற்றது.
அத்துடன் கீழ் பிரிவு மாணவிகளின் இசையும் அசைவும் மற்றும் மேல் பிரிவு மாணவர்களின் உடற்பயிற்சியும் சிறப்பாக நடைபெற்றது. அத்துடன் பழைய மாணவர்களுக்கான போட்டிகளும் நடைபெற்றன.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
