வட மாகாண விளையாட்டுபோட்டி - ஆரணி நீளம் பாய்தலில் தங்கப்பதக்கம் பெற்றார்
பிரசுரிக்கபட்ட திகதி: 29/05/2017 (திங்கட்கிழமை)
வட மாகாண விளையாட்டுத் தினைக்களத்தினால் நடாத்தப்படும் மாவட்டங்களுக்கு இடையிலான மெய் வல்லுனர் போட்டியில் பெண்களுக்கான நீளம் பாய்தலில் யாழ் மாவட்டத்தைச் சேர்ந்த S.ஆரணி தங்கப் பதக்கம் வென்றுள்ளார்.
நேற்று முன்தினம் நடைபெற்ற பெண்களுக்கான நீளம் பாய்தல் போட்டியில் ஆரணி 5.23 மீட்டர் பாய்ந்து தங்கப் பதக்கத்தையும், யாழ் மாவட்டத்தைச் சேர்ந்த ச.ஈத்விகா வெள்ளிப் பதக்கத்தையும், மன்னார் மாவட்டத்தைச் சேர்ந்த ஜே.அபிஷா வெண்கலப் பதக்கத்தையும் வென்றுள்ளனர்.
கடந்த 2015 ஆம் வருடம் வட மாகாண பாடசாலைகளுக்கிடையே நடைபெற்ற 8வது தடகள போட்டியில் உடுப்பிட்டி மகளிர் கல்லூரி மாணவி சி.ஆரணி நீளம் பாய்தலில் 5.01 மீற்றர் தூரம் பாய்ந்து தங்கப்பதக்கத்தினை பெற்றுக்கொண்டார்.
தங்கப்பதக்கம் பெற்ற மாணவி தாரணி
அத்துடன் இம்மாணவி பிரதேச செயலகங்களுக்கிடையே நடைபெற்ற மாவட்ட மட்ட தடகளப் போட்டியில் கரவெட்டி பிரதேச செயலகம் சார்பில் காலந்து கொண்டு நீளம் பாய்தலில் 5.36 மீற்றர் தூரம் பாய்ந்து புதிய சாதனையுடன் தங்கப்பதக்கத்தினைப் பெற்றுக்கொண்டார்.
அத்துடன் தேசிய மட்டத்தில் நடைபெற்ற நீளம் பாய்தல் போட்டியில் கடந்த வருடம் வெண்கலப் பத்தக்கதையும் இவர் பெற்றிருந்தமை குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
