வல்வை ஷைனிங்ஸ் விளையாட்டுக் கழகத்தின் வைர விழாவையொட்டி அவ் விளையாட்டுக் கழகத்தால் வல்வை விளையாட்டுக் கழகத்திற்கு உட்பட்ட கழகங்களுக்கிடையிலான பலவேறு போட்டிகள் தற்பொழுது இடம்பெற்றுவருகின்றது.
இதன் வரிசையில் இன்று வல்வை விளையாட்டுக் கழகத்திற்கு உட்பட்ட கழகங்களுக்கிடையிலே நடாத்தப்பட்ட உதைபந்தாட்ட போட்டியின் இறுதிப் போட்டி நெற்கொழு கழுகுகள் விளையாட்டுக்கழக மைதானத்தில் இடம்பெற்றது.
இன்றைய போட்டியில் நேதாஜி விளையாட்டுக்கழகத்தை எதிர்த்து தீருவில் இளைஞர் விளையாட்டுக்கழகம் மோதியது. 3:1 என்ற கோல் கணக்கில் நேதாஜி விளையாட்டுக்கழகம் வெற்றி பெற்றது.
போட்டியின் சிறந்த ஆட்டநாயகனாக நேதாஜி விளையாட்டுக்கழகத்தைச் சேர்ந்த ரசிகரனும், தொடர் நாயகனாக தீருவில் இளைஞர் விளையாட்டுக்கழகத்தைச் சேர்ந்த சண்முகதாஸும், வளர்ந்து வரும் இளம் விளையாட்டு வீராக தீருவில் இளைஞர் விளையாட்டுக்கழகத்தைச் சேர்ந்த மோகன்ராஜூம், சிறந்த கோல்காப்பாளராக நேதாஜி விளையாட்டுக்கழகத்தைச் சேர்ந்த ஜிவிந்தனும் தெரிவு செய்யப்பட்டார்கள்.
இதேவேளை காட்சிப் போட்டியாக சைனிங்ஸ் விளையாட்டுக் கழகத்தின் திருமணமானவர் - திருமணமாகதவர் ஆண்கள் அணிகளுக்கு இடையே உதைபந்தாட்ட போட்டிகள் நடைபெற்றது. இவ் ஆட்ட முடிவில் இரு அணிகளும் சமநிலை பெற்றன.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
