புதிய மைதானத்தில் முதலாவது வெற்றியைப் பதிவாக்கியது ரேவடி வி.க
பிரசுரிக்கபட்ட திகதி: 27/05/2017 (சனிக்கிழமை)
வல்வை இளங்கதிர் விளையாட்டுக்கழகத்திற்கென வல்வை மானாங்கானை பகுதியில் புதிய மைதானம் ஒன்று (வல்வை இளங்கதிர் இளைஞர் விளையாட்டுக்கழக மைதானம்) இன்று காலை உத்தியோகபூர்வமாக திறந்து வைக்கப்பட்டது.
வல்வை விளையாட்டுக்கழகத்தின் மூத்த தலைவர் திரு.மு.தங்கவேல் அவர்களும், வல்வை விளையாட்டுக்கழகத்தின் தலைவர் திரு.மு.பிரேம் குமார் அவர்களும் மைதானத்தின் பெயர் பலகையினை திரை நீக்கம் செய்து உத்தியோக பூர்வமாகத் திறந்து வைத்தார்கள்.
இதனைத் தொடர்ந்து இளங்கதிர் விளையாட்டுக்க்கழகத்தினால் வல்வைக்கு உட்பட்ட கழகங்களுக்கிடையில் ஒருநாள் (One day) உதைப்பந்தாட்ட போட்டிகள் புதிய மைதானத்தில் இடம்பெற்றது.
மாலை இடம்பெற்ற இறுதிப் போட்டியில் ரேவடி விளையாட்டுக் கழகத்தை எதிர்த்து நேதாஜி மோதியது. போட்டியின் முடிவில் 2 அணிகளும் தலா ஒரு கோலினைப் பெற்ற நிலையில் தண்ட உதையில் ரேவடி விளையாட்டுக் கழகம் வெற்றிபெற்றது.
இப் போட்டியின் ஆட்ட நாயகன் - சுவர்ணராஜ் - ரேவடி விளையாட்டுக்கழகம்
தொடர் நாயகன் தர்சன் - நேதாஜி விளையாட்டுக்கழகம்
சிறந்த கோல்காப்பாளர் - பிரேம்ராஜ் - ரேவடி விளையாட்டுக்கழகம்
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
