வல்வை உதைபந்து இன்றைய ஆட்டத்தில் வல்வை A அணி 8-0 என்ற கோல் கணக்கிலும், பலாலி விண்மீன் 4:0 என்ற கோல் கணக்கிலும் வெற்றி
பிரசுரிக்கபட்ட திகதி: 12/02/2014 (புதன்கிழமை)
பருத்தித்துறை உதைப்பந்தாட்ட லீக்கின் அனுமதியுடன், வல்வை விளையாட்டுக் கழகம் நடாத்தும் விலகல் முறையிலான உதைபந்து சுற்றுப் போட்டி கடந்த 05.02.2014 அன்று வல்வையில் ஆரம்பமானது.
பருத்தித்துறை உதைப்பந்தாட்ட லீக்கில் பதிவு செய்யப்பட்டுள்ள 32 விளையாட்டுக்கழக அணிகள் பங்குகொள்ளும் இப்போட்டியானது இன்று பிற்பகல் 03.30 மணியளவில் வல்வை ரெயின்போ விளையாட்டுக் கழக மைதானத்தில் நடைபெற்றது.
இதன் வரிசையில் இன்று பிற்பகல் நடைபெற்ற முதலாவது ஆட்டத்தில் வல்வை விளையாட்டுக்கழக A அணியை எதிர்த்து தொண்டைமானாறு ஒற்றுமை விளையாட்டுக்கழகம் மோதியது. இந்த ஆட்டத்தில் வல்வை விளையாட்டுக்கழக A அணி 8:0 என்ற கோல்கணக்கில் வெற்றி பெற்றது. வல்வை விளையாட்டுக்கழக A அணி சார்பாக செல்வன் ரசிகரன் 4 கோல்களையும், செல்வன் பிரசாந் 2 கோல்களையும், செல்வன் சண்முகதாஸ் 2 கோல்களையும் பெற்றுக்கொண்டார்கள்.
இரண்டாவது ஆட்டத்தில் பலாலி விண்மீன் விளையாட்டுக்கழகத்தை எதிர்த்து சமரபாகு நியூட்டன் விளையாட்டுக்கழகம் மோதியது. இந்த ஆட்டத்தில் பலாலி விண்மீன் விளையாட்டுக்கழகம் 4:0 என்ற கோல் கணக்கில் வெற்றிபெற்றது.
இப் போட்டிகள் அனைத்தும் WELLWISH MEDICAL CENTER அனுசரணையுடன் இடம்பெற்று வருகின்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
