வல்வை உதைபந்து இன்றைய ஆட்டத்தில் நெல்லியடி கலட்டி, மணல்காடு சென்பீற்றர்ஸ் வெற்றி

பருத்தித்துறை உதைப்பந்தாட்ட லீக்கின் அனுமதியுடன், வல்வை விளையாட்டுக் கழகம் நடாத்தும் விலகல் முறையிலான உதைபந்து சுற்றுப் போட்டி கடந்த 05.02.2014 அன்று வல்வையில் ஆரம்பமானது.

பருத்தித்துறை உதைப்பந்தாட்ட லீக்கில் பதிவு செய்யப்பட்டுள்ள 32 விளையாட்டுக்கழக அணிகள் பங்குகொள்ளும் இப்போட்டியானது இன்று பிற்பகல் 03.30 மணியளவில் வல்வை ரெயின்போ விளையாட்டுக் கழக மைதானத்தில் நடைபெற்றது.

இதன் வரிசையில் இன்று பிற்பகல் நடைபெறவுள்ள ஆட்டத்தில் முதலாவது ஆட்டத்தில் நெல்லியடி கலட்டி விளையாட்டுக்கழகத்தை எதிர்த்து இமையாணன் இளைஞர் விளையாட்டுக்கழகம் மோதியது. இந்த ஆட்டத்தில் நெல்லியடி கலட்டி விளையாட்டுக்கழகம் 5: 1 கோல்கணக்கில் வெற்றிபெற்றது.

இதனைத்தொடர்ந்து நடைபெற்ற ஆட்டத்தில் இரண்டாவது ஆட்டத்தில் மணல்காடு சென்பீற்றர்ஸ் விளையாட்டுக்கழகத்தை எதிர்த்து அல்வாய் நண்பர்கள் விளையாட்டுக் கழகம் மோதியது. இந்த ஆட்டத்தில் ஆட்டத்தில் மணல்காடு சென்பீற்றர்ஸ் விளையாட்டுக்கழகம் 3:1 என்ற கொல்கலக்கில் வெற்றிபெற்றது.

இப் போட்டிகள் அனைத்தும் WELLWISH MEDICAL CENTER அனுசரணையுடன் இடம்பெற்று வருகின்றது.