வல்வை உதைபந்து நேற்றைய போட்டியில் வதிரி பொம்மர்ஸ், உடுப்பிட்டி கருணாகரன் அணிகள் வெற்றி
பிரசுரிக்கபட்ட திகதி: 15/02/2014 (சனிக்கிழமை)
வல்வை விளையாட்டுக் கழகத்தினால் தற்பொழுது நடாத்தப்பட்டுவரும் உதைபந்துப் போட்டியின் வரிசையில் நேற்றைய போட்டியில் வதிரி பொம்மர்ஸ் மற்றும் உடுப்பிட்டி கருணாகரன் விளையாட்டுக் கழகங்கள் வெற்றிபெற்றுள்ளன.
நேற்றைய முதலாவது ஆட்டத்தில் அல்வாய் மனோகரா மற்றும் உடுப்பிட்டி கருணாகரன் அணிகள் மோதவிருந்தன. ஆனால் அல்வாய் மனோகரா போட்டிக்குச் சமுகம் அளிக்காத காரணத்தால் உடுப்பிட்டி கருணாகரன் விளையாட்டுக்கழகத்திற்கு வெற்றி வழங்கப்பட்டது.
இரண்டாவது ஆட்டத்தில் வதிரி பொம்மர்ஸ் மற்றும் உடுப்பிட்டி யூத் ஆகிய விளையாட்டுக்கழகங்கள் மோதின. இவ் ஆட்டத்தில் வதிரி பொம்மர்ஸ் 4:0 என்ற கொள் கணக்கில் வெற்றிபெற்றது.
இன்றைய ஆட்டம் - வல்வை மோதவுள்ளது
இன்றைய ஆட்டத்தில் உடுப்பிட்டி நவஜீவன் விளையாட்டுக் கழகத்தை எதிர்த்து கொற்றாவத்தை பூமகள் விளையாட்டுக் கழகமும் வல்வை விளையாட்டுக் கழகத்தை எதிர்த்து வதிரி டைமண்ட்ஸ் விளையாட்டுக் கழகமும் மோதவுள்ளது.
பருத்தித்துறை உதைப்பந்தாட்ட லீக்கின் அனுமதியுடன், வல்வை விளையாட்டுக் கழகம் நடாத்தும் விலகல் முறையிலான மேற்குறிப்பிட்ட உதைபந்து சுற்றுப் போட்டி கடந்த 05.02.2014 அன்று வல்வையில் ஆரம்பமானது.
பருத்தித்துறை உதைப்பந்தாட்ட லீக்கில் பதிவு செய்யப்பட்டுள்ள 32 விளையாட்டுக்கழக அணிகள் இப்போட்டியில் பங்குகொள்ள பதிவு செய்துள்ளன. போட்டிகள் யாவும் வேவில் பகுதியில் அமைந்துள்ள வல்வை ரெயின்போ விளையாட்டுக் கழக மைதானத்தில் நடைபெற்றது.
இப் போட்டிகள் அனைத்தும் WELLWISH MEDICAL CENTER அனுசரணையுடன் இடம்பெற்று வருகின்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
