குருநகர் சங்கத்தினைப் போன்று வல்வை சங்கத்தினரும் அமைச்சுடன் தொடர்புகொண்டு தங்கள் பிரச்சினையை தீர்க்கவேண்டும் - கணேசமூர்த்தி

குறித்த செய்தியில் மேலும் தெரிவிகப்பட்டுள்ளதாவது ,

இழுவைப்படகு தடைசெய்யப்பட்ட மீன்பிடி முறைகளுள் ஒன்று. அதனை மீண்டும் செய்ய அனுமதிக்க மாட்டோம். இந்த நடைமுறையினை கடற்றொழில் அமைச்சு நடைமுறைப்படுத்தியது.

அதனை மீறி எங்களால் எதுவும் செய்ய முடியாது. குருநகர் கடற்றொழிலாளர் சங்கத்தினைப் போலவே வல்வெட்டித்துறை கிழக்கு கடற்றொழிலாளர்களும் அமைச்சுடன் தொடர்பு கொண்டு தங்களுடைய பிரச்சினையை தெரிவித்து தீர்வினைப் பெற்று கொள்ள வேண்டும்.

அத்துடன் மாற்றுத் தொழில் தொடர்பிலும் அமைச்சிடமே பேசி தீர்வினைக் காண வேண்டும். எங்களால் அறிவுறுத்தலுக்கு அமையவே செயற்பட முடியும். சட்டத்தை மாற்றவோ அல்லது அதனை மீறி செயற்படவோ முடியாது.

எனினும் தடை செய்யப்பட்ட இழுவைப்படகு முறையினை பயன்படுத்தி தொழில் செய்வோர் தொடர்ந்தும் கடற்படையினரின் உதவியுடன் கைது செய்து செய்யப்படுவர் என பிரதிப் பணிப்பாளர் மேலும் தெரிவித்தார் என குறித்த செய்தியில் மேலும் தெரிவிக்கப்பட்டுள்ளது