தமிழ் மாகாண முதன்மை லீக் அணி உதைப்பந்து - அடுத்த சுற்றுக்கு வடமராட்சி லீக்

இதய பூமி அறகட்டளை நிதியத்தின் பங்களிப்புடன் வடமராட்சி லீக் நடாத்தும் வடக்கு கிழக்கு தமிழ் மாகாண முதன்மை லீக் அணிகள் பங்குபற்றும் உதைபந்தாட்ட சுற்றுபோட்டி முதல் சுற்று ஆட்டங்கள் பகல் இரவு போட்டியாக நெற்கெழு கழுகுகள் மைதானத்தில் நடைபெற்றது.

 

முதலாவதாக நடைபெற்ற போட்டியில் வடமராட்சி லீக் அணியை எதிர்த்து முல்லைதீவு லீக் அணி மோதியது. இவ்வாட்டத்தில் 8:3 என்ற கோல்கள் கணக்கில் வடமராட்சி லீக் அணி வெற்றிபெற்று அடுத்த சுற்றுக்கு முன்னேறியது. ஆட்ட நாயகன் பிறேம்குமார் வடமராட்சி லீக் வெற்றிபெற்ற அணிக்கு 2000/= ரூபா பணப்பரிசும் வழங்கபட்டது. 

 

 இரண்டாவது நடைபெற்ற ஆட்டத்தில் மன்னார்லீக் அணி எதிர்த்து மூதூர் லீக் அணி மோதியது. இவ்வாட்டத்தில் 7:0 என்ற கோல்கணக்கில் மூதூர் லீக் அணியை இலகுவாக வீழ்த்தி அடுத்த சுற்றுக்கு முன்னேறியது மன்னார் லீக் அணி.

 

மூன்றாவதாக நடைபெற்ற ஆட்டத்தில் மட்டகளப்பு லீக் அணி எதிர்த்து தீவக லீக் அணி மோதியது. 2:2 என்ற கோல்கணக்கில் ஆட்டம் நிறைவுபெற தண்ட உதையில் 4:3 கோல் கணக்கில் மட்டகளப்பு லீக் அணி வெற்றிபெற்றது.

 

நான்காவதாக நடைபெற்ற ஆட்டத்தில் அம்பாறை லீக் எதிர்த்து வவுனியா லீக் அணி மோதியது. 1:0 என்றகோல்கணக்கில் அம்பாறை லீக் அணி வெற்றி பெற்றுள்ளது.

 

வடமராட்சி லீக், மன்னார் லீக், மட்டக்களப்பு லீக், அம்பாறை லீக் ஆகிய நான்கு லீக் அணிகளும் வெற்றி பெற்று அடுத்த சுற்றுக்கு முன்னேறியது.