பருத்தித்துறை உதைபந்தாட்ட லீக்கின் ஆளுநர் கிண்ண போட்டி - வல்வை அரையிறுதிக்கு முன்னேறியது
பிரசுரிக்கபட்ட திகதி: 14/11/2014 (வெள்ளிக்கிழமை)
பருத்தித்துறை உதைபந்தாட்ட லீக்கின் ஆளுநர் கிண்ணத்திற்கான தெரிவுப்போட்டியின் காலிறுதி போட்டி இன்று மாலை 4 மணியளவில் திக்கம் இளைஞர் விளையாட்டுக்கழக மைதானத்தில் இடம்பெற்றது. இந்த காலிறுதி ஆட்டத்தில் வல்வை விளையாட்டுக் கழகத்தை எதிர்த்து நக்கீரன் விளையாட்டுக்கழகம் மோதியது. இதில் வல்வை விளையாட்டுக்கழகம் 3 - 1 என்ற கோல் கணக்கில் வெற்றிபெற்று அரையிறுதிப்போட்டிக்கு தெரிவாகியுள்ளது.
இன்றைய போட்டியில் வல்வை அணி சார்பாக ரசிகரன், நந்தகுமார் (ரவி), பிரதீபன் ஆகியோர் தலா ஒரு கோலினைப் போட்டு அணியின் வெற்றியை உறுதிசெய்தனர், அத்தோடு பின்கள வீரர்களும் சிறப்பாக செயற்பட்டு எதிரணியினரின் கோல்போடும் வாய்ப்பினைத் தடுத்தனர்.
இன்றைய வெற்றியினைத் தொடர்ந்து ஆளுநர் கிண்ணத்திற்கான தெரிவுப்போட்டியின் அரையிறுதிப் போட்டியில் பலாலி விண்மீன் விளையாட்டுக்கழகத்தை எதிர்த்து வல்வை அணி மோதவுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
