11 ஆவது ஆண்டில் வல்வெட்டித்துறை.ORG

நெய்தல் நிலத்து நித்திய நிகழ்வுகளை பொய்கள்

புனைதலின்றி இறக்கிவைக்கும் வல்வையின் இணையமே

வாழிய வாழியவே பத்தாண்டு தாண்டி

 கூற்றுவன் கூடுகலைக்க

கொற்றவன் மரநிழலில் கொப்பமராக் குருவிகள் நாங்கள்.

குற்றமனம் குடைகிறது இன்றும். இருந்தும்,

வேர்மறவா விழுதுகளாய்,

ஊர் நினைவைச் சுமப்பதற்கு,

உன்மேல் தேடுகின்றோம்.

ஓர் துளியேனும் ஆறுகின்றோம்.

ஊடகமே!

ஊர் நிகழ்வைக் காவிவரும் தேடகமே!

நன்றிகள் பல உனக்கு.

போர் துரத்தி,

ஊர் தொலைத்து,

பார் பறந்து, பல தெருக்களிலே பாய் விரித்தாலும்,

வேர் நிலத்தை விழிகளிலே வரவழைக்க,

வழிசமைக்கும் வலைத்தளமே,

வாழியவே!

பத்தாண்டு தாண்டி, பல்லாண்டு.

கவிதை ஆக்கம் ஆறுமுகம் ராஜ்குமார் கனடா