வரலாற்று சிறப்புமிக்க வடமராட்சி ஸ்ரீ செல்வசந்நிதி முருகன் ஆலய வருடாந்த மகோற்சவப் பெருவிழாவை முன்னிட்டு சந்நிதியான் ஆச்சிரம் சைவ கலை பண்பாட்டுப் பேரவையின் ஏற்பாட்டில் முன்னெடுக்கப்பட்டுவரும் விசேட நிகழ்வுகள் வரிசையில், மேற்படி ஆலய மகோற்சவத்தின் ஆறாம் திருவிழாவான நேற்றுத் திங்கட்கிழமை முற்பகல் 10.45 மணி முதல் சந்நிதியான் ஆச்சிரமத்தில் சிறப்புச் சொற்பொழிவு இடம்பெற்றது.
சந்நிதியான் ஆச்சிரம முதல்வர் மோகனதாஸ் சுவாமிகள் தலைமையில் நடைபெற்ற குறித்த நிகழ்வில், அகில இலங்கை சைவப்புலவர் சங்கத்தின் செயலாளரும், ஆசிரியருமான குமரன் கலந்து கொண்டு ""உதித்தனன் உலகம் உய்ய"' எனும் தலைப்பில் சிறப்புச் சொற்பொழிவாற்றினார்.
இதேவேளை நேற்று முன்தினம் ஞாயிற்றுக்கிழமை முற்பகல் 10.30 மணியளவில் சந்நிதியான் ஆச்சிரம் மண்டபத்தில் இடம்பெற்ற நிகழ்வில் ஏழாலை ஸ்ரீ முருகன் வித்தியாலய அதிபரும், சைவப்புலவருமான பரமேஸ்வரன் கலந்து கொண்டு ''மண்ணில் நல்ல வண்ணம் வாழலாம்'" எனும் தலைப்பில் சிறப்பிச்சொற்பொழிவாற்றியாமை இங்கு குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
