வீரகத்திப்பிள்ளை மகா வித்தியாலயத்தின் ஆண்கள், பெண்களுக்கான மரதன் ஓட்டப்போட்டி
பிரசுரிக்கபட்ட திகதி: 26/01/2013 (சனிக்கிழமை)
தொண்டமானாறு வீரகத்திப்பிள்ளை மகா வித்தியாலயத்தின் 2013 ம் ஆண்டுக்கான இல்லமெய்வல்லுனர் போட்டியின் ஒரு அங்கமாக இல்லங்களுக்கிடையிலான ஆண்கள், பெண்களுக்கான மரதன் ஓட்டப்போட்டி இன்று வெகு சிறப்பாக நடைபெற்றது.
ஆண்களுக்கான மரதன் ஓட்டமானது தச்சன் தோப்பு பிள்ளையார் கோவிலில் ஆரம்பிக்கப்பட்டு உடுப்பிட்டி சந்தி ஊடக வல்வெட்டித்துறை சந்தி, வல்வெட்டித்துறை சந்தியிலிருந்து KKS வீதிவழியாக தொண்டமானாறு வீரகத்திப்பிள்ளை மகா வித்தியாலயத்திற்கு முன்பாக ஓட்டம் நிறைவடைந்தது. பெண்களுக்கான மரதன் ஓட்டமானது தோப்பு பிள்ளையார் கோவிலில் ஆரம்பிக்கப்பட்டு உடுப்பிட்டி வீதிவழியாக தொட்டில் கந்தசுவாமி கோயில் வரை தொடர்ந்து மறுபடியும் அதே பாதையுடாக தொடர்ந்து பாடசாலைக்கு முன்பாக நிறைவடைந்தது.
இந்த நிகழ்வில் பாடசாலை பழைய மாணவர்களும், பாடசாலை நலன்விரும்பிகளும், மாணவர்களின் பெற்றோரும் மாணவர்களுக்கு ஊக்கம் வழங்கினார்கள். ஆண்களுக்கான மரதன் ஓட்டப்போட்டியில் 50ற்கு மேற்பட்ட மாணவர்கள், அதிலும் குறிப்பாக சிறிய வயதுடைய மாணவர்கள் கலந்து கொண்டமை குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
