இமையாணன் மத்திய விளையாட்டுக் கழகத்தினால் யாழ் மாவட்ட ரீதியில் நடாத்தப்பட்ட 10 ஓவர்கள் கொண்ட மென்பந்தாட்ட தொடரின் இறுதிப்போட்டி நேற்று திங்கட்கிழமை (04.02.2013) அன்று இமையாணன் மத்திய விளையாட்டுக் கழக மைதானத்தில் நடைபெற்றது. இந்த இறுதிப்போட்டியில் கழுகுகள் விளையாட்டுக் கழகத்தை எதிர்த்து அளவெட்டி மத்திய விளையாட்டுக்கழகம் மோதியது.
முதலில் துடுப்பாட்டத்தை தொடர்ந்த கழுகுகள் விளையாட்டுக்கழகம் 10 ஓவர் நிறைவில் 63 ஓட்டங்களை எடுத்தது. அதிக பட்சமாக கழுகுகள் விளையாட்டுக்கழகத்தை சேர்ந்த செந்தூரன் 28 ஓட்டங்களை அணிக்காக பெற்றுக்கொடுத்தார். 64 ஓட்டங்கள் எடுத்தால் வெற்றி எனும் இலக்குடன் களம் புகுந்த அளவெட்டி மத்திய விளையாட்டுக்கழகம் அனைத்து விக்கெட்டுக்களையும் இழந்து 37 ஓட்டங்களை மாத்திரம் எடுத்தது. இதன் காரணமாக 27 ஓட்டங்களினால் வல்வை கழுகுகள் விளையாட்டுக்கழகம் வெற்றியீட்டி வெற்றிக்கிண்ணத்தை சுவீகரித்துக்கொண்டது.
இந்த இறுதிப் போட்டியில் தொடர்ச்சியாக 3 விக்கெட்டுக்களை எடுத்தமைக்காக கழுகுகள் விளையாட்டுக்கழகம் சேர்ந்த கோகுலன் அவர்கள் இறுதிப்போட்டியில் ஆட்டநாயகனாக தெரிவுசெய்யப்பட்டார். தொடரில் வல்வை விளையாட்டுக்கழகத்தை சேர்ந்த தீபராஜ் அவர்களுக்கு ஒரு ஓவரில் அதிக சிக்சர் அடித்தமைக்காக சிறப்பு விருது வழங்கப்பட்டது.
இந்த தொடரில் வல்வை விளையாட்டுக்கழகம் காலிறுதி வரை முன்னேறியது குறிப்பிடத்தக்கது.
கழுகுகள் விளையாட்டுக்கழகம்
வல்வை விளையாட்டுக்கழகத்தை சேர்ந்த தீபராஜ் அவர்களுக்கு ஒரு ஓவரில் அதிக சிக்சர் அடித்தமைக்காக சிறப்பு விருது
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
