வல்வை ஆதிசக்தி விளையாட்டுக்கழகத்தால் மின்னொளியில் நடாத்தப்பட்ட உதைப்பந்தாட்ட இறுதிப் போட்டி
பிரசுரிக்கபட்ட திகதி: 25/03/2013 (திங்கட்கிழமை)
வல்வை ஆதிசக்தி விளையாட்டுக்கழகத்தால் நடாத்தப்பட்ட அணிக்கு 9 பேர் பங்குபெறும் உதைப்பந்தாட்டச் சுற்றுப் போட்டியின் இறுதியாட்டங்கள் 24/3/2013 அன்று மாலை வல்வை சிதம்பரக் கல்லூரி மைதானத்தில் மின்னொளியில் மிகவும் சிறப்பாக நடைபெற்றன.
முதலில் நடைபெற்ற மூன்றாமிடத்திற்கான ஆட்டத்தில் அல்வாய் நண்பர்கள் விளையாட்டுக்கழகத்தை எதிர்த்து பாஷையூர் சென் அன்டனீஸ் விளையாட்டுக்கழகம் மோதியது. இந்த ஆட்டத்தில் பாஷையூர் சென் அன்டனீஸ் விளையாட்டுக்கழகம் 2 : 1 என்ற கோல்கணக்கில் வெற்றியீட்டியது.
அடுத்து இறுதிப்போட்டி நடைபெற்றது. இவ் போட்டியில் கரணவாய் கொலின்ஸ் விளையாட்டுக்கழகத்தை எதிர்த்து இளவாலை யன்கென்ரிச் விளையாட்டுக்கழகம் மோதியது. இந்த ஆட்டத்தில் கரணவாய் கொலின்ஸ் விளையாடுக்கழகம் 2 : 1 என்ற கோல்கணக்கில் வெற்றியீட்டி, ஒரு பவுண் தங்க நாணயம் பொறிக்கப்பட்ட ஆறு அடி உயரமான வெற்றி கேடயத்தை தனதாக்கி கொண்டது. மின்னொளியில் நடைபெற்ற இப்போட்டியைக் காண வல்வை மற்றும் வெளியூர் உதைப்பந்தாட்ட ரசிகர்கள் ஆயிரத்திற்கும் மேற்பட்டோர் கலந்து கொண்டது இப்போட்டியை மேலும் மெருகூட்டியது.
இளவாலை யன்கென்ரிச் விளையாட்டுக்கழகம்
கரணவாய் கொலின்ஸ் விளையாட்டுக்கழகம்
முதலாம் இடத்தைப்பெற்ற கரணவாய் கொலின்ஸ் விளையாடுக்கழகம்
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
