தம்பதியினருக்கான சைக்கிள் ஓட்டம் மற்றும் வினோத உடைப்போட்டி நிகழ்சிகள் சிறப்பாக நடைபெற்றன

வல்வை நெடியகாடு இளைஞர் விளையாட்டுக்கழகத்தின் 60 வது ஆண்டை முன்னிட்டு, அவ் விளையாட்டுக் கழகத்தினரால் நடாத்தப்பட்டு வரும் விளையாட்டுக்களின்  தொடர்வாக இன்று மாலை தம்பதியினருக்கான சைக்கிள் ஓட்டம் மற்றும் வினோத உடைப்போட்டி நிகழ்சிகள் நடைபெற்றன. 

 

முதலில் தம்பதியினருக்கான சைக்கிள் ஓட்டம் நடைபெற்றது. இந்த சைக்கிள் ஓட்டம் வல்வை சிதம்பரக்கல்லூரிக்கு முன்பாக ஆரம்பிக்கப்பட்டு, நெடியகாட்டுப்பிள்ளையார் ஆலயத்தின் முன்பாக நிறைவடைந்தது. அடுத்து வினோத உடைப்போட்டி வல்வை முத்துமாரியம்மன் ஆலயத்திற்கு முன்பாக ஆரம்பிக்கப்பட்டு, நெடியகாட்டுப்பிள்ளையார் ஆலயத்தின் முன்பாக நிறைவடைந்தது.

 

இந்த வினோத உடைப்போட்டியில் பாரதியார் , ஜான்சிராணி , ஒட்டிப்பிறந்த இரட்டையர்கள், சிலைகள் , சரஸ்வதி , பிச்சைக்காரி , வன்னியில் காயப்பட்டவர்கள், செவ்வாய் கிரக வாசிகள் , பைத்தியக்காரர்கள் போன்ற பல வேடங்களில் போட்டியாளர்கள் கலந்து  கொண்டிருந்தனர். இந்த போட்டியில் முதலாமிடத்தை சிலைகள் இரண்டாமிடத்தை செவ்வாய் கிரக வாசிகள் , மூன்றாமிடத்தை வன்னியில் காயப்பட்டவர்கள் முறையே தட்டிச் சென்றனர்கள்.  

 

நாளை 60 வது ஆண்டு நிறைவு விழா நடைபெறவுள்ளது.

 

வல்வை சிதம்பரக் கல்லூரி மைதானத்திலிருந்து ஆரம்பமாகும் தம்பதியினருக்கான சைக்கிள் ஓட்டம் 

 

 

 

 

 

 

 

 

 

 

 

வல்வை முத்துமாரியம்மன் ஆலயத்திற்கு முன்பாக ஆரம்பமாகும் வினோத உடைப்போட்டி