வல்வெட்டி ஸ்ரீ சித்தி விநாயக பூலட்சுமி மகாலட்சுமி சமேத நாராயணசுவாமி திருக்கோவில் வருடாந்த உற்சவம் வரும் 16 ஆம் திகதி செவ்வாய்க்கிழமை கொடியேற்றத்துடன் ஆரம்பமாகவுள்ளது.
தொடர்ந்து 10 தினங்கள் நடைபெறவுள்ள மகோற்சவத்தின் தேர்த்திருவிழா 24.01.2024 புதன்கிழமை அன்றும், தீர்த்த திருவிழா 25.01.2024 வியாழக்கிழமை அன்றும் நடைபெறவுள்ளது.
வல்வெட்டி ஸ்ரீ சித்தி விநாயக பூலட்சுமி மகாலட்சுமி சமேத நாராயணசுவாமி திருக்கோவில் ஆலய தர்மகர்த்தா சபை வெளியிட்டுள்ள உற்சவ விஞ்ஞாபனம் கீழே இணைக்கப்பட்டுள்ளது.
16.01.2024 செவ்வாய்க்கிழமை காலை 08 மணிக்கு விநாயக பெருமானுக்கு சங்காபிஷேகம் நடைபெற்று காலை 11 மணிக்கு கொடி ஏற்றம்.
வேட்டைத்திருவிழா: 21.01.2024 ஞாயிற்றுக்கிழமை மாலை 05 மணிக்கு வேவில் பிள்ளையார் ஆலயத்தில் நடைபெறும்.
வெண்ணைய்த்திருவிழா: 22.01.2024 திங்கட்கிழமை இரவு 07 மணிக்கு நடைபெறும். (உறியடி உற்சவம்)
சப்பறத்திருவிழா: 23.01.2024 செவ்வாய்க்கிழமை இரவு07 மணிக்கு நடைபெறும். (முத்தச்சப்பரம்)
தேர்திருவிழா: 24.01.2024 புதன்கிழமை காலை 8:15 மணிக்கு வசந்தமண்டப பூஜை, தொடர்ந்து சுவாமி சித்திர தேரில் ஆரோகணித்தல்.
தீர்த்ததிருவிழா: 25.01.2024 வியாழக்கிழமை அதிகாலை 05 மணிக்கு அபிஷேகம், பூஜை, சூர்ணோற்சவம், காலை 07 மணிக்கு சுவாமி தீர்த்தமாட ஊறணி சமுத்திரத்திற்கு செல்லுதல்.
தீர்த்தம் ஆடியதும் நெடியாகடு திருச்சிற்றம்பல பிள்ளையார் ஆலயம் சென்று உடன் ஆலயம் திரும்புவார்.
பூங்காவனத்திருவிழா: 26.01.2024 வெள்ளிக்கிழமை மாலை 06 மணிக்கு விநாயகபெருமான் பூங்காவனம் நடைபெறும்.
கல்யாணத்திருவிழா: 27.01.2024 சனிக்கிழமை மாலை 06 மணிக்கு ஸ்ரீமன் நாரணய பெருமான் திருக்கல்யாணம் நடைபெறும்.
சங்காபிஷேகம்: 28.01.2024 ஞாயிற்றுக்கிழமை ஸ்ரீமன் நாராயணசுவாமிக்கு காலை 09 மணிக்கு கிரியைகள் ஆரம்பமாகி 11 மணிக்கு 1008 சங்காபிஷேகம், பூஜை நடைபெறும்.
இரவு 07 மணிக்கு நாராயணசுவாமி வீதி உலா வருவார்.
பிராயச்சித்த அபிஷேகம்: 29.01.2024 திங்கட்கிழமை காலை 10 மணிக்கு பிராயச்சித்த அபிஷேகம். இரவு 06.30 மணிக்கு வைரவர், ஆஞ்சநேயர் மடை நடைபெறும்.
தினமும் பகல் 10:30 மணிக்கும் இரவு 07:00 மணிக்கும் வசந்தமண்டப பூஜை நடைபெறும்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
