லீக் சுற்றுக்குள் நுழைந்தது வலைப்பாடு ஜெகமீட்பர் மற்றும் பலாலி விண்மீன் அணிகள்

வல்வை விளையாட்டுக்கழகம் தனது 60 ஆவது ஆண்டு நிறைவினை முன்னிட்டும் மறைந்த வீரர்கள் ஞாபகார்த்தமாகவும்  நடாத்தும் வடமாகாண ரீதியிலான 9  நபர் கொண்ட மாபெரும் உதைபந்தாட்ட சுற்றுப்போட்டியின் ஒரு ஆட்டமானது இன்றைய தினம் ( 05/05/2022)  வல்வை தீருவில் விளையாட்டுக்கழக மைதானத்தில் இடம்பெற்றது.

 

இன்று இடம்பெற்ற முதலாவது ஆட்டத்தில் வலைப்பாடு ஜெகமீட்பர்  விளையாட்டுக்கழகத்தினை எதிர்த்து பொலிகை ஒற்றுமை விளையாட்டுக்கழகமானது மோதியது. பரபரப்பாக இடம்பெற்ற இப்போட்டியில்  விளையாட்டுக்கழகமானது  4:0 என்ற கோல்கணக்கில்   வலைப்பாடு ஜெகமீட்பர் விளையாட்டுக்கழகமானது வெற்றிபெற்று லீக்  சுற்றுக்கு தகுதிபெற்றது...  வலைப்பாடு ஜெகமீட்பர் அணிசார்பாக லதீஸ்லஸ், டிந்துஜன், ஜெனிஸ்ரன் , தஷமலக்சன் தலா ஒவ்வொரு  கோலினை  பெற்றுக்கொடுத்தனர். போட்டியின் ஆட்டநாயகனாக  வலைப்பாடு ஜெகமீட்பர்   அணியின்  டிந்துஜன் தெரிவு செய்யப்பட்டார்.

 

தொடர்ந்து இடம்பெற்ற இரண்டாவது ஆட்டத்தில் பலாலி விண்மீன் விளையாட்டுக்கழகத்தை எதிர்த்து அண்ணாசிலையடி விளையாட்டுக்கழகமானது மோதியது. பரபரப்பாக இடம்பெற்ற இந்த போட்டியில் பலாலி வீண்மீன் விளையாட்டுக்கழகமானது 2:1 என்ற கோல்கணக்கில் வெற்றி பெற்று லீக் சுற்றுக்கு தகுதி பெற்றது. பலாலி விண்மீன் அணிசார்பாக பெறப்பட்ட இருகோல்களையும் ஜோன்விஜித் பெற்றுக்கொடுத்தார்..அண்ணாசிலையடி அணிசார்பாக பெறப்பட்ட ஒரு கோலினையும் ஆகாஸ் பெற்றுக்கொடுத்தார்.. போட்டியின் ஆட்டநாயகனாக பலாலி வீண்மீன் அணியின் ஜோன்விஜித் தெரிவு செய்யப்பட்டார்.