தமிழ் திரை உலகின் முன்னணி இயக்குனர், இலங்கையின் மட்டக்களப்பு மாவட்டத்தைப் பிறப்பிடமாக கொண்ட பாலுமகேந்திரா மரணம்
பிரசுரிக்கபட்ட திகதி: 13/02/2014 (வியாழக்கிழமை)
தமிழ் திரை உலகின் முன்னணி இயக்குனர்களில் ஒருவரான திரு.பாலுமகேந்திரா இன்று காலமானார். இவருக்கு வயது 74. இவர் இலங்கையின் மட்டக்களப்பு மாவட்டத்தைப் பிறப்பிடமாக கொண்டவர்.
பாலு மகேந்திரா, பாலச்சந்தர், பாரதி ராஜா, பாக்கியராஜ், பார்த்தீபன், பாலா என்று நீளும் சிறந்த "பா" வரி இயக்குனர்களில் முதன்மையானவராக திரு.பாலு மகேந்திரா கருதப்படுகின்றார்.
எப்பொழுதும் தொப்பியை அணிந்திருக்கும் திரு.பாலு மகேந்திரா அவர்கள்
உடல் நலக்குறைவு காரணமாக இன்று அதிகாலை சென்னையிலுள்ள விஜயா மருத்துவமனையில் அனுமதிக்கப்பட்டிருந்தாகவும், சிகிச்சை பலனளிக்கமால் முற்பகல் 11.00 மணியளவில் மரணமடைந்துள்ளதாக தமிழக செய்தி ஊடகங்கள் செய்தி வெளியிட்டுள்ளன.
லண்டனில் தனது இளநிலைக் கல்வியினை மேற்கொண்டிருந்த திரு.பாலுமகேந்திரா அவர்கள் இந்தியாவின் மகாராட்டிரா மாநிலத்தில் பூனாவில் அமைந்துள்ள திரைப்படக் கல்லூரியில் ஒளிப்பதிவுக் கலையை பயின்றிருந்தார்.
70களின் ஆரம்பத்தில் மலையாளப்படங்களில் ஒளிப்பதிவுகளை மேற்கொண்டிருந்த திரு.பாலுமகேந்திரா அவர்கள் 1977 ஆம் ஆண்டு அவரது முதல் படமான 'கோகிலா'வை கன்னட மொழியில் இயக்கியிருந்தார். இதனைத் தொடர்ந்து 1978 ஆம் ஆண்டில் தமிழில் தனது முதல் திரைப்படமான அழியாத கோலங்கள் இயற்றியிருந்தார்.
வீடு, சந்தியாராகம், வண்ண வண்ண பூக்கள், சிறந்த திரைக்கதைக்கு கோகிலா, அழியாத கோலங்கள் ஆகியவை விருது பெற்றன. சிறந்த இயக்குனருக்கான தேசிய விருதை பாலு மகேந்திரா மூன்று முறை பெற்றுள்ளார்.
பாலுமகேந்திரா இயக்கிய படங்களான கோகிலா, அழியாத கோலங்கள், மூடுபனி, மஞ்சு மூடல் மஞ்சு (மலையாளம்), ஓலங்கள் (மலையாளம்), நீரக்ஷ்னா (தெலுங்கு), சத்மா (ஹிந்தி), ஊமை குயில், மூன்றாம் பிறை, நீங்கள் கேட்டவை, உன் கண்ணில் நீர் வழிந்தால், யாத்ரா, ரெண்டு தொகல திட்ட (தெலுங்கு), இரட்டை வால் குருவி, வீடு, சந்தியாராகம், வண்ண வண்ண பூக்கள், பூந்தேன் அருவி சுவன்னு, சக்ர வியூகம், மறுபடியும், சதி லீலாவதி, அவுர் ஏக் ப்ரேம் கஹானி (ஹிந்தி), ராமன் அப்துல்லா, ஜூலி கணபதி, அது ஒரு கனாக்காலம், தலைமுறைகள் போன்றவை ஆகும்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
உங்கள் கருத்தை தமிழில் அல்லது ஆங்கிலத்தில் இங்கு எழுதுங்கள் (Comment here in Tamil or English)
Name:
Email:
Country:
Enter the same number in the box below
Verification Code:
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.